Arentia, Anrentius

O par de divinidades Arantius/Arentius, Arantia/Arentia, podem atopar-se na Galiza também?

A Arentia é umha aldeia da parróquia de Anda-vau, (Andabao na grafia espanholizada).
O mesmo nome da freguesia indica o que é: Umha anta e um vau.
Talvez umha anda, umha lage, que servia de ponte para cruzar o Tambre num vau.
Como a Ponte Velha de Andom, (Forcarei).
Em Arentia hai umha peneda, que nom se adora. E ao lado há umha capelinha onde se rende culto a um par "divinizado": Santa Maria da Cabeça e Santo Isidro.
Todos os anos, por Maio, celebra-se umha romaria, misas e festa em louvança a este matrimônio Santo.

Santo Isidro o que ara, ou o da Ara?

Perto da Arentia está a aldeia de Santarandel, a um quilómetro, pertence à parróquia de Arceu.
E pertinho da Arentia e de Santarandel está Arosa, também em Arceo / Arcéu.
Arosa, lugar da Ara, ou do Aro?

Santarandel , Arantius?
Sant'Arandel, Ara Ando e o sufixo do genitivo -el?
SantarAndel, Santar mais Andel?

Por aqui discorria umha via romana unia Arçua e a Ciadelha, o campamento romano perto de Sobrado, esta via deixou muita marca: Um miliário, a Melha, a Peroja, Hospital.
Cruzar o Tambre já deveu ser importante antes da chegada e dominaçom romana.
A pervivência do topônimo Anda-vau, com compoentes vivos na fala de hoje, muito antigos, pré-romanos, dizem isso, o passo, o caminho já foi anterior.
Santarandel, nome da aldeínha, nom seria mais que o lugar do passo, da ponte para Santar, para Vila Santar
E Santar?

Para a Parte de Briom, onde está o Pico Sacro, hai um Santarandel. Mas este nom é topônimo?, é umha pedra que representa umha pessoa cruzificada.
Polo Pico Sacro, perto de Compostela morava a Raínha Lupa, que se convertiu ao cristianismo depois da chegada dos restos do Apóstolo Santiago a Galiza.
Ela, dizem, foi a que tirou abaixo a Ara Solis depois de ter-se convertido à fé cristã.

Entom penso Ara: pedra sagrada. Anda/anta: pedra. Ara e anta: Aranta, Aranda, poderia ser umha tautologia? Pedra sobre pedra.

A pedra deusa, no velho falar: Anta ou Anda, foi romanizada em Ara Anta, ou Ara Anto, e logo santificada parcialmente polo cristianismo?
Santa Maria da Cabeça e Sam Cidre da Arentia.

E Santo Arandel?, Santarandel:
Arandel, bem poderia ser umha ara, umha anda, umha pedra sagrada que serviria de andel, andel no seu sentido atual de prancha horizontal?
Umha ara no andel? Umha ara nas andas?
Ou Arandel poderia vir do froito silvestre arando, Santo Arandel seria o dos arandos, o amourado, o azulado?
Arandel poderia ter que ver com arandela?

Um topônimo, em Sam Joam da Vila-Nova, é Andel.
Andel é o passo sobre um regueiro, o Rego de Andel, um regatinho que baixa do Breamo. Umha anta de ponte, de passo?

Santarandel viria sendo a ponte da pedra santificada?


Pedro Salvado, João Mendes Rosa e Amílcar Guerra Um monumento votivo a Arância e Arâncio,proveniente de Castelejo (concelho do Fundão)



História do Santo Arandel de Beca, De Sam Juliam de Bastavales, Briom, transformado em Santo André.
Original: http://www.infobrion.com/brionpobo/festas_e_tradi.php?id=383
No Blogue: aqui.

Arentia: areia, arar. Ara
Arentano: da família de Arens (romana), significa seco árido.
Arantxa : Silva.
Arando, arandanus, o da pedra, o que medra sobre a pedra?
Aránzazu.
Arandel: nalgumha fala da extremadura é o adro da igreja.